Dono Jahan Teri Mohabbat Main Har Ke | Faiz Ahmad Faiz

Dono Jahan Teri Mohabbat Main Har K
Wo Ja Raha Hai Koi Shab-e-Gam Guzar K

Viran Hai Maikada Khum-o-Sagar Udas Hai
Tum Kya Gaye K Ruth Gaye Din Bahar K

Ik Fursat-e-Gunah Mili, Wo Bhi Char Din
Dekhe Hain Ham Ne Hausale Parvar-Digar K

Duniya Ne Teri Yad Se Begana Kar Diya
Tujh Se Bhi Dil Fareb Hain Gam Rozagar K

Bhule Se Muskura Tu Diye The Wo Aj 'Faiz'
Mat Puch Val-Vale Dil-e-Na-kardakar K

By: Faiz Ahmad Faiz

Kishmiish.com 

#Kish-Miish-U-So-Much